Аб удзеле ў мерапрыемствах Дзяржаўнага ўпраўлення па рэгуляванні рынку КНР
18.11.2021 г.16 лістапада 2021 г. у Пекіне адбылося адкрыццё VII Міжнароднай канферэнцыі па пытаннях канкурэнцыі пад эгідай краін BRICS (Бразілія, Расія, Індыя, Кітай, ПАР). Дзяржаўнае ўпраўленне па рэгуляванні рынку КНР (ДУРР) выступіла галоўным арганізатарам і прымаючым бокам мерапрыемства, а Міністр ДУРР Чжан Гун — яго мадэратарам. Па запрашэнні кітайскага боку, Рэспубліка Беларусь прыняла ўдзел у мерапрыемствах у фарматах афлайн (дыпламаты Пасольства Беларусі ў Кітаі) і анлайн (Міністэрства антыманапольнага рэгулявання і гандлю).
У рамках канферэнцыі адбылася сустрэча Надзвычайнага і Паўнамоцнага Пасла Рэспублікі Беларусь у КНР Юрыя Сенько з Намеснікам Міністра ДУРР Кітая Ган Лін, у ходзе якой бакі абазначылі высокі ўзровень адносін дзвюх краін, абмеркавалі патэнцыял для нарошчвання супрацоўніцтва ў эканамічных і гуманітарных сферах.
Важнай падзеяй для краін ЕАЭС у рамках гэтай канферэнцыі стала падпісанне Мемарандума аб узаемаразуменні ў галіне канкурэнтнай палітыкі і антыманапольнага рэгулявання паміж Дзяржаўным упраўленнем па рэгуляванні рынку КНР і Еўразійскай эканамічнай камісіяй. Пасол Беларусі ў Кітаі Юрый Сенько сведчыў падпісанне гэтага дакумента. Паводле інфармацыі бакоў-падпісантаў, мемарандум будзе садзейнічаць пашырэнню абмену інфармацыяй, вопытам расследаванняў антыманапольных спраў і даследаванняў рынкаў, а таксама прывядзе да актывізацыі дыялогу паміж ЕЭК і кітайскім рэгулятарам.
