Аб падпісанні пагаднення паміж Гомельскай вобласцю і правінцыяй Сычуань
09.04.2021 г.9 красавіка 2020 года Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Сенько Ю.А. прыняў удзел у анлайн-цырымоніі падпісання Пагаднення аб устанаўленні пабрацімскіх адносін паміж Гомельскай вобласцю Беларусі і правінцыяй Сычуань КНР. Свае подпісы пад дакументам паставілі Старшыня Гомельскага аблвыканкама Салавей Г.М. і Губернатар правінцыі Сычуань Хуан Цян. На мерапрыемстве ў анлайн фармаце таксама прысутнічаў Пасол КНР у Беларусі Се Сяаюн.
У сваім выступленні Пасол Беларусі Сенько Ю.А. адзначыў актуальнасць падпісання Пагаднення з улікам вынікаў тэлефоннай размовы ад 26 студзеня 2021 г. паміж Лідэрамі дзвюх нашых краін, падчас якога было ўзгоднена правядзенне ў 2021-2023 гг. Года рэгіёнаў Беларусі і КНР. Абазначыў шэраг напрамкаў па рэалізацыі палажэнняў дакумента, уключаючы актывізацыю кантактаў дзелавых колаў пабрацімскіх рэгіёнаў і далейшае прасоўванне беларускіх тавараў на кітайскі рынак.
