Супрацоўніцтва ў сферы адукацыі
Супрацоўніцтва Беларусі і Кітая ў сферы адукацыі развіваецца дынамічна.
У 2019 годзе з поспехам прайшоў Год адукацыі Беларусі ў Кітаі, у рамках якога адбыліся розныя сумесныя тэматычныя форумы, фестывалі, канферэнцыі, а таксама былі арганізаваны летнія лагеры для студэнтаў і школьнікаў.
У траўні 2019 года ў ходзе V пасяджэння Камісіі па супрацоўніцтву ў галіне адукацыі падпісана міжурадавае Пагадненне аб узаемным прызнанні дакументаў аб адукацыі i дакументаў аб вучоных ступенях.
Экспорт паслуг па выніках 2021 года склаў 33,1 млн.дал. ЗША, тэмп росту да 2020 годзе – 157,2%.
Вядучымі беларускімі ўстановамі адукацыі вядзецца актыўная работа па стварэнні сумесных адукацыйных праграм і структур з кітайскімі партнёрамі.
Усяго ўніверсітэты Беларусі заключылі больш за 400 дагавораў аб супрацоўніцтве з ВНУ і адукацыйнымі ўстановамі Кітая, функцыянуюць сумесныя навуковыя лабараторыі, ажыццяўляецца прамы акадэмічны абмен студэнтамі і спецыялістамі.
У мэтах папулярызацыі беларускай мовы і культуры ў Кітаі адкрыта 11 цэнтраў вывучэння Беларусі, а таксама інстытут даследавання Беларусі на базе Ланьчжоўскага ўніверсітэта эканомікі і фінансаў.
Адной з асноўных формаў працы цэнтраў з'яўляецца правядзенне з 2015 года штогадовай канферэнцыі па тэматыцы беларуска-кітайскіх адносін. Мерапрыемства, як правіла, праходзіць на пляцоўцы аднаго з цэнтраў у розных рэгіёнах Кітая і ўяўляе сабой сход вядучых экспертаў КНР, якія спецыялізуюцца на Беларусі і краінах СНД.
У сакавіку — маі 2022 года цэнтр Якуба Коласа кафедры беларускай мовы Цяньцзіньскага ўніверсітэта замежных моў праводзіць штогадовы Усекітайскі конкурс па беларусазнаўстве « ад Сінявокай да Паднябеснай ».
У чатырох цэнтрах на базе Пекінскага, Цяньцзінь і Сіаньскага ўніверсітэтаў замежных моў, а таксама другога Пекінскага інстытута замежных моў вядзецца выкладанне беларускай мовы.
На базе цэнтральных і рэгіянальных беларускіх ВНУ ажыццяўляюць працу інстытуты і класы Канфуцыя.
У 2021 годзе ў Беларусі навучалася каля 7,5 тысяч кітайскіх грамадзян па розных спецыяльнасцях і кірунках. У Кітаі ў цяперашні час праходзяць навучанне 477 навучэнцаў з Рэспублікі Беларусь (у фарматах онлайн і афлайн).
