Гандлёва-эканамічнае супрацоўніцтва
Аб'ём гандлю таварамі і паслугамі Рэспублікі Беларусь з КНР (уключаючы Ганконг, Макао і Тайвань) у 2017-2021 гг.
Па выніках 2021 года знешнегандлёвы абарот Беларусі і Кітая склаў рэкордныя 5,9 млрд. долараў ЗША, тэмп росту — 108,7%. Тэмпы росту экспарту 109,7%, імпарту — 108,3%. Сальда адмоўнае -3,2 млрд. долараў. Аб'ёмы знешнегандлёвага абароту перавысілі «дапандэмійныя» значэння.
Аб'ём гандлю таварамі Рэспублікі Беларусь з КНР (уключаючы Ганконг, Макао і Тайвань) у 2017-2021 гг.
Двухбаковы тавараабарот дасягнуў новага гістарычнага максімуму, склаўшы 5,1 млрд долараў, тэмп росту — 111,8% да 2020 года і 111% да «дапандэмійнага» 2019 года. Экспарт беларускіх тавараў у КНР склаў 913,3 млн. долараў, тэмп росту 117,5% і 128,2% адпаведна. Імпарт з Кітая ў Беларусь — 4,2 млрд долараў, тэмп росту 110,6%. Такім чынам, беларускі экспарт у Кітай расце апераджальнымі тэмпамі. Сальда гандлёвага балансу з КНР традыцыйна адмоўнае.
Асноўныя артыкулы беларускага экспарту тавараў у КНР: калійныя ўгнаенні, ялавічына замарожаная, лесаматэрыялы падоўжна-распілаваныя, мяса і харчовыя субпрадукты хатняй птушкі, малако і вяршкі згушчаныя і сухія, цэлюлоза драўняная, натронная або сульфатная, малочная сыроватка, цукар, алея рапсавая, электронныя інтэгральныя схемы.
У структуры беларускага экспарту ў Кітай ярка выражаная перавага ў пастаўках харчовай і сельгаспрадукцыі. Беларусь знаходзіцца ў топ-10 пастаўшчыкоў у Кітай калійных угнаенняў (3 месца), малочнай сыроваткі (5 месца), мясной прадукцыі (мяса курыцы і ялавічына (9 і 10 месца), рапсавай алеі (10 месца).
Па стане на 01.01.2022 у КНР акрэдытаваны 123 беларускія вытворцы, з іх: 63 — малочнай прадукцыі, 18 — замарожанай ялавічыны, 11 — замарожанага мяса курыцы, 9 — замарожаных ягад, 7 — апрацаванай рыбнай прадукцыі, 6 — малочных кармавых прадуктаў, 4 - жома цукровых буракоў, 4 — скурак норкі, 1 — торфу.
14.12.2021 пры непасрэдным удзеле Пасольства паміж Галоўным мытным упраўленнем КНР і Мінсельгасхарчам Беларусі падпісаны пратакол аб каранцінных патрабаваннях адносна ялавічыны і прадуктаў з яе, што вырабляецца ў Беларусі і пастаўляецца ў КНР, які дае магчымасць экспартаваць беларускую кансерваваную і астуджаную ялавічыну ў КНР пасля адпаведнай рэгістрацыі вытворцаў. Праца над пратаколам вялася з 2019 года.
Двухбаковы гандлёвы абарот па паслугах склаў 735,2 млн. долараў (тэмп — 90,9%), экспарт — 400,9 млн. долараў (тэмп — 95,4%), імпарт — 334,3 млн. долараў (тэмп — 86%). Сальда гандлёвага балансу станоўчае +66,6 млн. долараў. Спад адбыўся з-за істотнага скарачэння аб'ёмаў будаўнічых паслуг і іх высокай долі ў экспарце. Значны рост экспарту транспартных паслуг (тэмп росту 145,4%), якія займаюць другое месца ў яго структуры (доля 39,7%), не дазволіў дапусціць прапарцыйнага будаўнічым паслугам падзення экспарту. Істотныя тэмпы росту прадэманстраваў экспарт паслуг адукацыі 156,8%, кошт аказаных паслуг — 33,2 млн долараў.
