:

Аб Міжнародным кірмашы турысцкіх паслуг «Адпачынак-2023»

У перыяд з 13 па 15 красавіка 2023 года ў Мінску пройдзе 25-ы Міжнародны вясновы кірмаш турысцкіх паслуг «Адпачынак – 2023». Дадзенае мерапрыемства традыцыйна з'яўляецца значнай падзеяй турыстычнай сферы Рэспублікі Беларусь і выклікае нязменную цікавасць у прадстаўнікоў турыстычнага бізнесу замежных краін.

Сёлета асаблівая ўвага ў рамках кірмашу будзе нададзена ўнутранаму турызму. Новыя турыстычныя праграмы і прапановы прадэманструюць больш за 100 экспанентаў: упраўлення спорту і турызму аблвыканкамаў і Мінгарвыканкама, Тураператары, санаторыі, аграэкасядзібы, медыцынскія і SPA-цэнтры, гатэлі, гасцініцы і загарадныя комплексы, страхавыя і транспартныя кампаніі, аб'екты прамысловага турызму.

На адкрытай пляцоўцы ў цэнтры горада плануецца арганізаваць прэзентацыю турыстычнага патэнцыялу рэгіёнаў, а таксама выставу тэхнікі буйных прамысловых прадпрыемстваў, якія аказваюць паслугі па арганізацыі экскурсій – МАЗ, БЕЛАЗ, МТЗ.

Запланавана правядзенне насычанай дзелавой праграмы ў фармаце прэзентацый, майстар-класаў, круглых сталоў і інш.

Падрабязная інфармацыя і прэзентацыя кірмашу «Адпачынак – 2023» даступная на сайце https://tourexpo.by/.

Запрашаем усіх зацікаўленых прыняць удзел у мерапрыемстве.

Для накіравання заявак на ўдзел і атрымання дадатковай інфармацыі можна звярнуцца да арганізатара кірмашу РУП " НВЦ «Белэкспа»: кантактны тэлефон + 375 17 3340131, e-mail: tourfair@belexpo.by.

Дыпмісіі Беларусі за мяжой

Усе дыпмісіі Сайт МЗС
Перайсці