Аб удзеле ў Форуме па развіцці жанчын «Кітай-Цэнтральная Азія»
10.09.2023 г.9-10 верасня дэлегацыя Пасольства наведала г. Сямэнь (правінцыя Фуцзянь) для ўдзелу ў Форуме па развіцці жанчын «Кітай-Цэнтральная Азія», арганізаваным Усекітайскай федэрацыяй жанчын і Камісіяй па добрасуседстве, дружбе і супрацоўніцтве Шанхайскай арганізацыі супрацоўніцтва (далей – ШАС).
У рамках правядзення афіцыйных мерапрыемстваў старшы саветнік Пасольства дала інтэрв'ю дзяржаўнай тэлерадыёкампаніі г. Сямэнь, а таксама тэлеканалу «Беларусь 1» і падзялілася сваім бачаннем аб развіцці гендарнай роўнасці, павышэнні статусу і ролі жанчыны ў грамадстве, прыцягненні кітайскага вопыту да развіцця беларускага жаночага прадпрымальніцтва.
На палях форуму супрацоўнікі Пасольства правялі шэраг перамоў, у тым ліку з намеснікам старшыні Усекітайскай федэрацыі жанчын Лін І, старшынёй федэрацыі жанчын правінцыі Ганьсу Ма Кунь, дырэктарам канцылярыі знешніх сувязяў г.Далянь Чэн Інцзюнь. Бакі падвялі вынікі двухбаковага супрацоўніцтва і абмеркавалі праекты далейшага ўзаемадзеяння на бліжэйшую перспектыву.
Матэрыялы па выніках удзелу ў Форуме па развіцці жанчын, уключаючы падпісаную ў рамках Форуму Ініцыятыву, а таксама Кітайскія нацыянальныя праграмы па развіцці жанчын і дзяцей да 2030 г.будуць накіраваны беларускаму боку.
Даведачна: Форум па развіцці жанчын «Кітай-Цэнтральная Азія» праводзіцца Усекітайскай федэрацыяй жанчын, Кітайскім Камітэтам ШАС па добрасуседстве, дружбе і супрацоўніцтве і Народным урадам правінцыі Фуцзянь у рамках 10-га Форуму супрацоўніцтва «Кітай-Цэнтральная Азія» ў горадзе Сямэнь правінцыі Фуцзянь Кітая. Мэта мерапрыемства – далейшае ўмацаванне ўзаемасувязяў дружбы і практычнага супрацоўніцтва краін-удзельніц.
Беларусь, якая цяпер знаходзіцца ў статусе дзяржавы назіральніка пры ШАС, пры падтрымцы ўсіх краін — членаў арганізацыі ў бліжэйшы час далучыцца да ШАС у якасці паўнапраўнага ўдзельніка.
29 красавіка 2022 года Беларускі саюз жанчын і Усекітайская федэрацыя жанчын падпісалі мемарандум аб супрацоўніцтве. Цырымонія падпісання адбылася на палях анлайн-семінара жанчын-парламентарыяў Беларусі і Кітая.
