Аб удзеле Пасла Беларусі ў Кітаі Юрыя Сенько ў цырымоніі ўскладання кветак да Мемарыяла савецкім воінам у г. Чэндэ
05.09.2023 г.3 верасня ў горадзе Чэндэ паўночнай правінцыі Хэбэй Надзвычайны і Паўнамоцны Пасол Рэспублікі Беларусь Юрый Сенько сумесна з Надзвычайным і Паўнамоцным Паслом Расійскай Федэрацыі Ігарам Маргулавым прыняў удзел у цырымоніі ўскладання кветак да Мемарыяла савецкім воінам, загінуўшым у баях з японскімі мілітарыстамі. Мерапрыемства прымеркавана да Дня Перамогі над мілітарысцкай Японіяй і гадавіны заканчэння Другой сусветнай вайны.
У мерапрыемстве таксама прынялі ўдзел мэр г. Чэндэ Ван Яцзюнь, аташэ па пытаннях абароны пры Пасольстве Рэспублікі Беларусь у Кітайскай Народнай Рэспубліцы Аляксандр Шкірэнка і яго расійскі калега Аляксей Ліпілін, беларускія і расійскія дыпламаты, прадстаўнікі МЗС КНР і мясцовых органаў улады.
Удзельнікі цырымоніі ўшанавалі хвілінай маўчання памяць савецкіх салдат і афіцэраў, якія здзейснілі вялікі подзвіг у імя свабоды і незалежнасці нашых народаў і жыцця будучых пакаленняў.
Даведачна:
На тэрыторыі КНР на дзяржаўным уліку знаходзіцца 74 магілы савецкіх воінаў, брацкіх і адзіночных, у т.л. пахаванні ўраджэнцаў Беларусі.
Мемарыялы, якія ўвекавечылі памяць аб беларускіх салдатах і афіцэрах, якія аддалі свае жыцці ў баях за вызваленне Кітая, размешчаны ў гарадах Улан-Хота, Якэшы, Хулун-Буір і пасёлку Солун (правінцыя Унутраная Манголія), гарадах Маньчжуулі, Фуцзін, Муданьцзян і гарадскіх акругах Хулінь, Хэйхэ і Цытайхэ (правінцыя Хэйлунцзян). Помнікі беларускім лётчыкам-добраахвотнікам таксама ўстаноўлены ў г. Ухань, Чанчунь, Нанкін і Ланьчжоў.
