Пра візіт Старшыні Прэзідыума НАН Беларусі Караніка У.С. у Кітай
22.05.2026 г.У перыяд з 19 па 21 мая адбыўся рабочы візіт Старшыні Прэзідыума Нацыянальнай акадэміі навук Беларусі Уладзіміра Караніка ў гарады Пекін і Цяньцзінь. Дэлегацыя наведала Інстытут мікрабіялогіі Кітайскай акадэміі навук (далей – КАН), Інстытут біяфізікі КАН, Цяньцзіньскі НДІ прамысловых біятэхналогій КАН, а таксама карпарацыю «Цяньшылі» (англ. – Tasly).
У ходзе візіту адбыўся змястоўны абмен меркаваннямі аб перспектывах двухбаковага ўзаемадзеяння ў профільных галінах. Беларускі бок прэзентаваў кітайскім партнёрам навукова-тэхнічны патэнцыял ДНУ «Інстытут мікрабіялогіі НАН Беларусі», што дазволіла вызначыць кропкі судакранання для далейшага паглыблення партнёрства. Ключавым кантэкстам для гэтай работы выступаюць падпісаныя 5 чэрвеня 2025 года ў г. Пекіне Пагадненне аб навукова-тэхнічным супрацоўніцтве паміж НАН Беларусі і КАН, а таксама План сумесных мерапрыемстваў на 2025–2030 гады.
Дадзены візіт сведчыць аб прыярытэтнай увазе беларускага боку да развіцця навуковага дыялогу з Кітайскай Народнай Рэспублікай, перш за ўсё ў галіне мікробных біятэхналогій, і стаў чарговым практычным крокам на шляху рэалізацыі дасягнутых дамоўленасцей.
