Аб візіце міністра замежных спраў Беларусі М. Рыжанкова ў Кітай
30.08.2025 г.Напярэдадні саміту кіраўнікоў дзяржаў краін-членаў Шанхайскай арганізацыі супрацоўніцтва адбыўся візіт Міністра замежных спраў Рэспублікі Беларусь у Кітай.
29 жніўня 2025 года кіраўнік знешнепалітычнага ведамства Беларусі даў эксклюзіўнае інтэрв'ю для 21st Century Business Herald, у якім адзначыў высокую ролю ШАС у забеспячэнні міру, стабільнасці і развіцця ў рэгіёне. Высока ацаніў вынікі старшынства Кітая ў арганізацыі і ўклад краіны ў паглыбленне рэгіянальнай кааперацыі.
Міністр замежных спраў Максім Рыжанкоў правёў перамовы з намеснікам загадчыка міжнародным аддзелам Цэнтральнага Камітэта Камуністычнай партыі Кітая Сунь Хайянь.
Суразмоўцы абмеркавалі шырокі спектр пытанняў двухбаковага і шматбаковага парадку дня, уключаючы ўзаемадзеянне па лініі Адміністрацыі Прэзідэнта Рэспублікі Беларусь і Міжнароднага аддзела ЦК КПК.
Міністр выказаў надзею, што ў бліжэйшы час будзе падпісаны Мемарандум аб паглыбленні супрацоўніцтва паміж профільнымі ведамствамі дзвюх краін.
Сунь Хаянь адзначыла высокі ўзровень адносін Беларусі і Кітая і пацвердзіла гатоўнасць працягваць работу па ключавых напрамках двухбаковага парадку дня, у прыватнасці па лініі міжпартыйнага ўзаемадзеяння.
Бакі абмеркавалі перспектывы маючых адбыцца кантактаў. М. Рыжанкоў вітаў намер члена Пастаяннага камітэта Палітбюро ЦК КПК, сакратара Цэнтральнай камісіі па праверцы дысцыпліны Лі Сі наведаць Рэспубліку Беларусь у верасні 2025 года.
Па выніках перамоў бакі пацвердзілі намеры і далей развіваць супрацоўніцтва. Выказалі ўзаемную падтрымку па ключавых пытаннях міжнароднага парадку дня.
Міністр замежных спраў М.Рыжанкоў таксама правёў перамовы з сакратаром партыйнага камітэта, прэзідэнтам Кітайскай акадэміі міжнародных даследаванняў, Генеральным сакратаром Цэнтра даследаванняў дыпламатычнай думкі Сі Цзіньпіна Чэнь Бо.
М. Рыжанкоў выказаў зацікаўленасць у паглыбленні супрацоўніцтва паміж аналітычнымі структурамі Беларусі і Кітая. Пацвердзіў намер беларускага боку падпісаць Мемарандум аб супрацоўніцтве паміж Беларускім інстытутам стратэгічных даследаванняў і Кітайскай акадэміяй міжнародных даследаванняў.
Чэнь Бо прадставіла інфармацыю аб дзейнасці Кітайскай акадэміі міжнародных даследаванняў, яе структуры і асноўных напрамках работы. Адзначыла, што Акадэмія надае выключную ўвагу пытанням вывучэння ідэй і думак Старшыні КНР Сі Цзіньпіна. Прэзідэнт Акадэміі пацвердзіла гатоўнасць да больш паглыбленага супрацоўніцтва з аналітычнымі структурамі Рэспублікі Беларусь.
Міністр запрасіў прадстаўнікоў Кітайскай акадэміі прыняць удзел у чарговай міжнароднай канферэнцыі высокага ўзроўню па еўразійскай бяспецы, якая адбудзецца ў хуткім часе ў Мінску, адзначыўшы, што найлепшым адказам на выклікі ў глабальнай палітыцы з'яўляюцца адзінства і згуртаванасць дзяржаў на еўразійскай прасторы. Мінская пляцоўка дасць магчымасць унесці пасільны ўклад у працэс умацавання міру і бяспекі ў рэгіёне.
30 жніўня 2025 года дэлегацыя наведала вытворчыя і дэманстрацыйныя пляцоўкі адной з вядучых кітайскіх энергетычных кампаній – TBEA Company Limited. Азнаёмілася з працай завода па вытворчасці трансфарматараў у індустрыяльным парку інтэлектуальных тэхналогій TBEA ў рэгіёне Пекін-Цяньцзінь-Хэбэй і з навукова-тэхналагічнай выставай, арганізаванай у штаб-кватэры кампаніі ў г.Цяньцзіні.
Кіраўнік знешнепалітычнага ведамства Беларусі правёў гутарку са старшынёй праўлення кампаніі Чжан сінім, у рамках якой бакі абмеркавалі перспектывы супрацоўніцтва ў энергетычнай, прамысловай і інфраструктурнай сферах.
Бакі падпісалі пагадненне аб стратэгічным супрацоўніцтве ў Міжнародным канферэнц-цэнтры штаб-кватэры TBEA.
У ходзе знаходжання ў Цяньцзіні Міністр наведаў Цяньцзіньскі ўніверсітэт замежных моў і правёў сустрэчу з яго кіраўніцтвам, у прыватнасці з сакратаром партыйнага камітэта Чжоу Хунлэй і рэктарам Лі Інін.
Бакі абмеркавалі пытанні паглыблення супрацоўніцтва ў галіне гуманітарных і адукацыйных моладзевых абменаў і стажыровак. Падкрэслена зацікаўленасць бакоў у працягу работы па перакладзе на беларускую мову кніг Старшыні КНР Сі Цзіньпіна “Аб дзяржаўным кіраванні”, а таксама іншых найважнейшых прац, якія адлюстроўваюць дыпламатычныя ідэі Кітая.
Кіраўнік знешнепалітычнага ведамства Беларусі наведаў Цэнтр вывучэння Беларусі пры Цяньцзіньскім універсітэце замежных моў, дзе адбылася сустрэча са студэнтамі і выкладчыкамі беларускай мовы. Студэнты, якія вывучаюць беларускую мову, падрыхтавалі творчую праграму з выкананнем вершаў і песень беларускіх аўтараў.
