Аб візіце Прэзідэнта Рэспублікі Беларусь А.Р. Лукашэнкі ў Кітайскую Народную Рэспубліку
04.06.2025 г. У перыяд з 2 па 4 чэрвеня 2025 года адбыўся візіт Прэзідэнта Рэспублікі Беларусь А.Р. Лукашэнкі ў Кітайскую Народную Рэспубліку.
У рэзідэнцыі «Чжуннаньхай» праведзена сяброўская сустрэча, а таксама перамовы ў фармаце «тэт-а-тэт» лідараў Беларусі і Кітая. Падчас сустрэч бакі пацвердзілі крэпасць беларуска-кітайскай дружбы і ўзаемны давер, выказалі зацікаўленасць у інтэнсіфікацыі двухбаковага ўзаемадзеяння.
Старшыня КНР Сі Цзіньпін запрасіў прэзідэнта Рэспублікі Беларусь А.Р. Лукашэнку прыняць удзел у чарговым саміце кіраўнікоў дзяржаў – членаў Шанхайскай арганізацыі супрацоўніцтва ў Цяньцзіні ў канцы жніўня 2025 года, а таксама парадзе з нагоды перамогі ў сусветнай антыфашысцкай вайне, які адбудзецца ў Пекіне ў верасні 2025 года.
У рамках візіту Прэзідэнт Рэспублікі Беларусь А.Р. Лукашэнка правёў перамовы з прадстаўнікамі кітайскіх дзелавых колаў. Бакі абмеркавалі пытанні супрацоўніцтва ў галіне машынабудавання, а таксама тэхналагічнай мадэрнізацыі шэрагу напрамкаў прамысловасці Рэспублікі Беларусь.
