Аб падпісанні Пагаднення паміж гарадамі Светлагорск і Баадзін (правінцыя Хэбэй)
26.01.2022 г.25 студзеня 2022 года, у рамках выканання Дырэктывы Прэзідэнта Рэспублікі Беларусь ад 3 снежня 2021 г. № 9 «Аб развіцці двухбаковых адносін Рэспублікі Беларусь з Кітайскай Народнай Рэспублікай» і з улікам дамоўленасцей, дасягнутых у снежні 2021 года Надзвычайным і Паўнамоцным Паслом Рэспублікі Беларусь Юрыем Сенько з кіраўніцтвам горада Баадзін (правінцыя Хэбэй), адбылася анлайн-цырымонія падпісання Пагаднення па развіццю супрацоўніцтва паміж Светлагорскім райвыканкамам і Народным урадам г. Баадзін. Свае подпісы пад дакументам паставілі Старшыня Светлагорскага райвыканкама Алейнікаў Д.В. і Мэр горада Баадзін спадарыня Ян Цзіхун. На мерапрыемстве ў анлайн фармаце выступіў Пасол Беларусі ў КНР Юрый Сенько, намеснік Старшыні Гомельскага аблвыканкама Канюшка А.В., Старшыня Светлагорскага раённага Савета дэпутатаў Вялічка Л.П.
У сваім выступленні Пасол Рэспублікі Беларусь у Кітайскай Народнай Рэспубліцы Юрый Сенько адзначыў актуальнасць падпісання Пагаднення з улікам вынікаў тэлефонных размоў паміж Лідэрамі дзвюх нашых краін, у ходзе якіх было ўзгоднена правядзенне ў 2021-2023 гг. Гадоў рэгіёнаў Беларусі і Кітая. Абазначыў шэраг напрамкаў па рэалізацыі палажэнняў дакумента, уключаючы актывізацыю кантактаў дзелавых колаў пабрацімскіх рэгіёнаў, прасоўванне беларускіх тавараў на кітайскі рынак, а таксама нарошчванне інвестыцыйнага ўзаемадзеяння.
У ходзе мерапрыемства былі падпісаны мемарандумы з кітайскім бокам аб пастаўках у Кітай прадукцыі з высокім дабаўленым коштам беларускіх вытворцаў, а таксама па супрацоўніцтве ў сферы лагістыкі. Прадстаўлены экспартны (сваю прадукцыю прэзентавалі прадпрыемствы ДУ «Гомельмясамалпрам» і ДУ «Гомельаблпрам») і інвестыцыйны (СЭЗ «Гомель-Ратон») патэнцыял Светлагорскага раёна і Гомельскай вобласці. Вызначаны алгарытм выканання дасягнутых у ходзе сустрэчы дамоўленасцей.
Даведачна:
Горад Баадзін мае плошчу: 22 тыс. кв. км., насельніцтва: 11,6 млн. чал. (2021 г.). ВУП: 43,8 млрд. дал (рост — 6%). Экспарт: 3,8 млрд. дол. Імпарт: 1,7 млрд. дол. Прамысловасць: перадавая апрацоўчая індустрыя, альтэрнатыўныя крыніцы энергіі, «разумная» электронная сетка, ІТ новага пакалення, біямедыцына, новыя матэрыялы, энергаэканомныя і экаахоўныя вытворчасці. У г. Баадзін размешчаны высокатэхналагічныя прадпрыемствы: Great Wall Motors (аўтамабілебудаванне), Chenyang Water Paint (вытворчасць водных фарбаў), Fengfan Battery (акамулятары), Lekai New Materials (новыя матэрыялы), Yingli Solar (сонечная энергетыка).