Пра асаблівасці рэгулявання медыцынскай дзейнасці прадпрыемстваў КНР
31.08.2023 г.4 верасня 2023 г.уступае ў сілу Указ Прэзідэнта Рэспублікі Беларусь, прыняты 1 чэрвеня 2023 г. №161, якім прадугледжана ўдасканаленне спецыяльнага прававога рэжыму Кітайска-Беларускага індустрыяльнага парку «Вялікі камень» у сферы прасоўвання традыцыйнай кітайскай медыцыны, аказання медыцынскіх паслуг на тэрыторыі парку, вытворчасці і ўвозу медыцынскіх вырабаў і лекавых сродкаў.
Дакументам прадугледжана, што дзяржаўная рэгістрацыя біялагічных актыўных дабавак да ежы вытворчасці Кітайскай Народнай Рэспублікі, зарэгістраваных у КНР, для абарачэння на тэрыторыі Рэспублікі Беларусь ажыццяўляецца ў спрошчаным парадку. Уводзіцца прынцып прызнання рэгістрацыі такіх прэпаратаў у КНР для прымянення ў Беларусі, без неабходнасці правядзення дадатковых даследаванняў і працэдур.
Указам спрошчаны ўмовы аказання медыцынскіх паслуг на тэрыторыі індустрыяльнага парка «Вялікі камень» з прымяненнем лекавых прэпаратаў, медыцынскіх вырабаў, методык лячэння, зарэгістраваных у Кітайскай Народнай Рэспубліцы. Напрыклад, істотна спрошчана адкрыццё медыцынскіх кабінетаў традыцыйнай кітайскай медыцыны, цяпер такія кабінеты і цэнтры можна адкрываць фактычна ў любым памяшканні індустрыяльнага парку.
Медыцынскія паслугі, якія аказваюцца рэзідэнтамі індустрыяльнага парка з прымяненнем палажэнняў Указа, у тым ліку ў галіне традыцыйнай кітайскай медыцыны, уключаны ў аб'екты добраахвотнага медыцынскага страхавання.
Гэта новаўвядзенне накіравана на папулярызацыю і даступнасць прэпаратаў і паслуг традыцыйнай кітайскай медыцыны для грамадзян Беларусі.
Пры вытворчасці на тэрыторыі парку медыцынскіх вырабаў і лекавых сродкаў новым Указам прадугледжаны шэраг спрашчэнняў пры правядзенні клінічных выпрабаванняў і перарэгістрацыі медыцынскіх вырабаў, а таксама ўнясенні змяненняў у рэгістрацыйнае дасье лекавых прэпаратаў і медыцынскіх вырабаў.
У цэлым прыняты Указ Прэзідэнта Рэспублікі Беларусь накіраваны на стымуляванне развіцця інавацыйнай і традыцыйнай кітайскай медыцыны, рэалізацыі праектаў у галіне фармацэўтыкі, вытворчасці медыцынскіх вырабаў і абсталявання.
