Аб удзеле дыпламатаў Пасольства ў IX Дыялогу дыпламатаў і лідараў бізнесу
28.04.2026 г.28 красавіка 2026 года прадстаўнікі Пасольства Беларусі ў Кітаі прынялі ўдзел у IX Дыялогу дыпламатаў і лідараў бізнесу, арганізаваным Кітайскай генеральнай гандлёвай палатай.
У ходзе мерапрыемства беларускім бокам арганізаваны тэматычны стэнд з дэманстрацыяй беларускай прадукцыі, наладжаны кантакты з зацікаўленымі прадстаўнікамі кітайскіх дзелавых колаў і асацыяцый.
У рамках удзелу ў канферэнцыі «бартарны гандаль для развіцця замежнага бізнесу» афіцыйным прадстаўніком Міністэрства сельскай гаспадаркі і харчавання пры Пасольстве Рэспублікі Беларусь у КНР была прадстаўлена прэзентацыя, прысвечаная прасоўванню беларускай харчовай і сельскагаспадарчай прадукцыі на кітайскі рынак.
Даведачна. Штогадовы дыялог дыпламатаў і лідараў бізнесу праводзіцца Кітайскай генеральнай гандлёвай палатай (CGCC) — адной з найбуйнейшых грамадскіх арганізацый Кітая. Дадзенае мерапрыемства ўяўляе сабой штогадовую міжнародную B2B-пляцоўку для наладжвання дзелавых кантактаў, накіраваную на садзейнічанне гандлёваму і інвестыцыйнаму супрацоўніцтву з дыпламатычнымі місіямі, замежнымі гандлёвымі палатамі, дзяржаўнымі органамі, а таксама кітайскімі і замежнымі прадпрыемствамі.
