Аб удзеле ў сустрэчы ШАС-АСЕАН
23.05.2025 г.23 мая 2025 года дыпламаты Пасольства Беларусі ў Кітаі прынялі ўдзел у сустрэчы кіраўнікоў дыпламатычных місій дзяржаў–членаў Шанхайскай арганізацыі супрацоўніцтва і Асацыяцыі дзяржаў Паўднёва-Усходняй Азіі.
Удзельнікі мерапрыемства абмеркавалі пытанні паглыблення практычнага ўзаемадзеяння арганізацый, а таксама перспектыўныя напрамкі супрацоўніцтва. Адзначылі неабходнасць выбудоўвання дыялогу паміж ШАС і АСЕАН на рэгулярнай аснове.
Шанхайская арганізацыя супрацоўніцтва аб'ядноўвае 10 дзяржаў-членаў з тэрыторыяй каля 36 млн кв.км, насельніцтвам звыш 3,4 млрд чал. Доля арганізацыі ў сусветным ВУП складае каля¼, у міжнародным гандлі – перавышае 15%. У 2024 годзе Рэспубліка Беларусь стала дзясятым паўнапраўным членам ШАС.
АСЕАН-рэгіянальная арганізацыя, якая аб'ядноўвае дзесяць дзяржаў Паўднёва-Усходняй Азіі. Створана для развіцця супрацоўніцтва ў галіне эканомікі, палітыкі і культуры.
У 2005 годзе ў Джакарце (Інданезія) падпісаны Мемарандум аб узаемаразуменні паміж сакратарыятамі ШАС і АСЕАН.
